話說最近發現，BB 食加固之後，有時想轉下口味，其實唔一定日日煮粥仔～🥣✨

將平時簡單嘅食材配搭一下，就可以整到一款方便 BB 小手拎住食嘅小餃子🦐🌽

粟米帶住自然甜味，配埋鮮蝦同紅蘿蔔，味道清清甜甜，口感軟腍腍，做早餐、下午茶或者加餐都幾方便🥰

👶🏻 適合月齡：9M+

需按 BB 加固進度、咀嚼及吞嚥能力調整；蝦屬常見致敏食材，第一次食要單獨試敏。

🥣 食材份量

・鮮蝦｜50克
・紅蘿蔔｜10克
・粟米粒｜20克
・餛飩皮｜適量
・BB輔食油｜少量

👩🏻‍🍳 做法步驟

1️⃣ 鮮蝦去殼、去蝦線，剁碎成蝦泥。

2️⃣ 紅蘿蔔切碎，粟米粒去皮後切碎備用。

3️⃣ 將蝦泥、紅蘿蔔碎、粟米碎加入少量輔食油，一齊撈勻成餡料。

4️⃣ 餛飩皮剪成四份，放上適量餡料，對摺封實邊位。

5️⃣ 放入蒸籠，水滾後蒸約10分鐘，確認熟透即可。

想睇更多 BB 加固食譜、每日餐單靈感，記得去 BIO 睇更多💛

想加入更多香港媽咪交流，歡迎去 BIO 入 WhatsApp 組《香港新手媽咪》👶🏻✨

#BB食譜 #寶寶加固 #9個月BB #BB小食 #香港媽媽